Inuman Tayo!

Chipipay Cosmo Martini

2008-06-12T23:56:00.001-07:00

Ito ang improvised na cosmopolitan martini na ginawa namin based dun sa original recipe nya:

Ganito ang pagtimpla:
4 parts vodka (Gilbeys 180 PHP)
2 parts triple sec (160PHP)
2 parts cranberry juice (70PHP sa grocery)
1 part fresh lime juice (35PHP)

Sarap nyan! Mas magugustuhan ng mga gurlaloos.

Chipipay Vodka Ice

2008-05-18T22:26:00.000-07:00

Nung Byernes, nag-inuman kami ng opismeyts ko at naki-gaya ako sa kanila sa sosyal na inumin: Vodka Ice. San Mig Light lang sana ako eh kaso na-curious ako so tinikman ko na rin lang kahit halos x4 yung presyo nya kesa Light.

Natikman ko... at ang unang pumasok sa isip ko nung unang tikim ko eh Sparkling Water!! Kaya nung nag inuman kami nung Sabado, bumili akong Vodka at Sparkling water para i-testing kung magkasing lasa. Aba'y biruin mo, masarap ang kinalabasan!

Pwede rin Sprite kaso mas masarap yung Sparkling water kasi may flavors (di tulat ng Sprite na manamis-tamis lang). Eto ang ingredients:

1 shot Vodka (Gilbeys pinaka-mura)
Punuin yung baso ng Sparkling Water (Yung binili ko eh yung Sunkis Zero Cal Apple or Tangerine flavor)

Mix ng onti at lagyan ng ice. Mmm sarap!

Long Island Iced Tea

2008-02-26T17:57:00.000-08:00

Thanks to Kin for sharing this!

Great drink pero kung medyo under-budget kayo, better not try this kasi medyo mahal ito hehe.

Mix the following in a shaker:
- 1 part Cuervo Gold Php 780.00 (tequila - Alternative: El Hombre Php165.00)
- 1 part Bacardi rum (rum - Alternative: Tanduay)
- 1 part gin
- 1 part vodka
- 1 part Cointreau (eto mahal talaga, Php 1,200.00 daw sa SM, pero Php 600 sa Greenhills)

Add a dash of lemon.
Shake and pour over an ice-filled glass.
Fill to the brim with Coke and garnish with a lemon wedge.

Pero dahan dahan lang sa pag-inom nito, kasi dahil hindi mo malasahan ang alcohol, kala mo iced tea lang talaga at mapapa-rami ka ng inom. Lethal ito, dahil kaya nitong ilabas ang demonyo na nakakulong sa kaluluwa mo bwahahaha! Di ba, Kin? :D

Presenting: ANTONOV VODKA

2008-02-04T22:15:00.000-08:00

Nitong nakaraang linggo, nagpunta kami sa La Union para mag surfing, at doon may na-discover akong bagong drink!

Presenting... ANTONOV VODKA!

Mura lang sya (pero mas mahal kesa Gilbey's Vodka na nasa PHP150 lang). Nung nasa La Union kami, PHP200 lang yung Antonov Vodka, pero hindi ko alam kung ganito rin ang presyo sa local market (hindi ko pa kasi nakikita). Hindi pa ata ito na-formally market ng San Miguel.

80% Alcohol ang Antonov Vodka, kaya kung ako sa inyo, halu-an nyo na lang ng kahit ano para hindi ganun ka-tapang. Ang init pag-lunok mo.

Try nyo na lang kung nagtitipid kayo sa Vodka!

Sangria

2008-01-22T20:09:00.000-08:00

Waw, Maligayang Pasko at Manigong Bagong Taon!!!
Beleyted nga lang! Wahehehehe.

Sa sobrang tagal ng hindi ko pagpo-post dito, eh inaamag na ata tong blog ko, jusko! Sa dami kasi ng inuman nitong nakaraang pasko at bagong taon, wala na akong panahon para makapag-update. Yehba, busy ang lola nyo.

Pero may bago akong recipe na nakuha mula sa aking ex-opismeyt na si Simon. Ito ang tinatawag na Sangria. Spanish drink daw ito, at ito ay hinahalong inumin. Ituturo ko sa inyo pano gumawa nito.

Tuwing pasko, andaming wine no? Pinaka-common na dito ang Red Wine. Subalit kung mayroon sarap na sarap sa red wine, meron ring ayaw dito. Isa na ako sa mga iyon. Kaya nung nag inuman kami, gumawa si Simon ng Sangria mula sa Red wine. At ito ang aking nagustuhan!

Para makagawa ng Sangria, eto ang iyong kakailanganin:
- Red Wine (1/3 Part)
- Sprite (1/3 Part)
- Orange Juice (1/3 Part)

Kung titingnan mo, kadirs no? Pero pag hinalo mo na ito, masarap ang kanyang kalalabasan. Lasang Cranberry juice at hindi mapait tulad ng Red Wine. Ladies drink ito, at hindi rin gaanong nakakalasing. Kung gusto nyo lamang pasosyalin ang inyong hapunan, magtimplay kayo ng Sangria para ma-experience ang Kastilang inumin!

Cosmopolitan Martini

2007-12-11T21:02:00.000-08:00

Perfect pang-pasko. Eto medyo sosyal na drink, pero masarap talaga sya. Pag medyo mataas ang budget nyo, try nyo mag-mix ng Cosmopolitan Martini kasi parang juice lang talaga ang lasa nya but you will end up blabbering the night away.

Eto ang recipe na nakuha ko from Swank Martini:

4 parts vodka
2 parts triple sec
2 parts cranberry juice
1 part fresh lime juice

Combine ingredients in a cocktail shaker with cracked ice and shake well. Strain into a chilled cocktail glass. Enjoy your cosmopolitan martini.

Tandaan, ang mahalaga dito ay ang bonding kasama ang mga mahal sa buhay.

Maligayang PASKO sa inyong lahat!

Coke at Sprite Mixes

2007-11-05T01:41:00.000-08:00

Softdrinks - yan ang isa sa mga sangkap na pampasarap ng alak. Pwede mo itong ihalo sa mga hard drinks para hindi ito masyadong matapang, o kaya para magustuhan ng mga babae mong ka-inuman (minsan kasi maaarte sila, ayaw nila ng amoy ng alak).

Isa sa mga pinaka-paboritong "ladies' drink" ay ang RHUM-COKE. Simple lang, ihalo ang Rhum (Tanduay kadalasan, pero pwede din Fundador) sa Coke. Ang kadalasang timpla nito eh 1:1, meaning 1 part rhum, 1 part coke. Pero kung gusto mong hindi masyadong mangamoy alak ang inumin, ibuhos ang coke ng maramihan.

Meron din tayong tinatawag na VODKA-SPRITE. Ihalo lamang ang Vodka sa Sprite. As usual, ikaw ang bahala sa timpla kung gusto mong matapang o hindi. Lagyan ng ice para mas masarap. Kahit hindi Absolut Vodka, meron namang mumurahing Vodka sa grocery eh. Hindi mahalaga ang lasa kasi hahaluan mo naman ng Sprite.

Ang mga alak, color-coordinated yan eh. Black is black (rhum + coke), white is white (vodka + sprite).

Chipipay Margarita

2007-10-15T22:28:00.000-07:00

Pag sinabi mong "iinom ako ng Margarita," parang napaka-sosyal ng dating mo di ba? Pag bumili ka sa mga bar, ang pagka-liit liit na baso eh nabebenta ng halos Php100. Pero sa totoo lang, kayang-kaya mo naman gumawa ng margarita. Hindi mo kelangan gumastos ng malaki para makatikim nito. Eto lang mga kakailanganin mo:

- 1 bote El Hombre Tequila (nasa Php 150 lang - nabibili sa mga grocery)
- 1 bote Triple Sec (nasa Php 150 lang rin - sa mga grocery rin)
- 1 bote lime (nasa ganung presyo rin - grocery rin)

Mas mainam kung i-mix ito sa isang mixer/shaker (ala barista style), pero kung wala, sa isang malaking pitsel pwede rin basta ihalo ng mabuti. Ang tamang proportion para dito eh 3 : 2 : 1. Meaning, 3 parts tequila, 2 parts triple sec, 1 part lime (or para mas simple, 3 shots tequila, 2 shots triple sec, 1 shot lime juice). Syempre kung gusto mo matapang, mas marami tequila. Pero ikaw na bahala dun.

Kung tamang presentasyon rin lang ng margarita, gumamit ng martini glass para sosi kunwari. kung wala, kahit anong baso pwede na. Basain ang dulo ng baso (kung saan ka iinom), at ilatad ito sa asin. Yung kalalabasan nito eh puno ng asin yung bilog sa baso kung saan ka iinom. Basta gets mo na yun. Tapos ibuhos ang Margarita sa loob ng baso.

Para mas masarap, gumamit ng Cuervo. :D

GATAKA

2007-09-23T20:33:00.000-07:00

Nakatikim ka na ba ng Baileys? Yung mahal na inumin na halos Php 400 yung isang 500ML na bote. Yung lasang mocha na may konting pait ng alcohol na nakaka-adik inumin kung mahilig ka sa tsokolate.

Kung hindi pa, meron akong irererekomenda sa yo. Ito ang tinatawag na GATAKA, o GAtas, TAnduay, at KApe. Sin-sarap ng Baileys pero di sing mahal. At mas malakas pa ang tama nito!

Ang kakailanganin mo lamang ay ang mga ito:

- 1 condensed milk
- 3 Nescafe coffee sachet (yung pahaba na purong puro)
- 1 longneck Tanduay (pero mas recommend ko yung Generoso Brandy sa manamis-tamis nitong lasa)
- Tubig at Yelo pampa-neutralize ng lasa

Ihalo sa malaking pitsel. Tantyahin nyo na lang kung gaano ka-tapang ang gusto nyong inumin. Dagdagan ng tubig kung masyadong matapang.

Serve chilled and with cherry para mas sosi ang dating.

Gin Bilog + Juice

2007-09-11T00:26:00.000-07:00

Inumin ng mga nagtitipid. Natutunan ko sa mga kabarkada ko nung college (o high school?) kasi mga wala pa sweldo at kupit lang galing sa allowance:

1 bote Gin
1 pack Juice (orange, pomelo, grape, pineapple)
1 pitsel

Magtimpla ng Juice sa isang pitsel (minsan konti lang ang tubig na nilalagay para matapang yung juice). Ihalo ang gin.

Isa pang paraan kung paano itimpla ito ay ang paghalo ng gin sa juice, at pagkatapos ay lagyan ng tubig (Kabaliktaran lang nung isa).

Tantyahin na lang kung gaano katapang ang gusto. Kung mas matapang, damihan ang gin. Kung hindi, damihan ang tubig.

Lagyan ng vetchin kung gustong tamaan agad.

Colt45 at Coors Light

2007-09-03T19:34:00.000-07:00

Omaygolay, aalis na ang aking mabuting kaibigan na si Ja! Pupunta na sya sa Singapore! At dahil masyadong narcissistic tong kebigan ko, naghanda sya ng despedida party para sa sarili nya! At alam nyo ba kung sino ang performer sa party nya? Sya rin! Hanep di ba?

Anyways, sa unang pagkakataaon, natikman ko ang dalawang beer na hindi ko pa natikman sa buong talambuhay ko: ang Colt 45 at Coors Light.

Colt 45: Matapang, pero manamis-namis ang panlasa lalo na pag tama lang ang lamig. Pag sobrang lamig, nasasapawan na ng lasa ng ice ang sarap ng beer. Mas mapait kumpara sa Red Horse pero mas matamis kumpara sa San Mig Strong Ice. At matapang!!! Isang bote lang ata nahilo na ako!!

Coors Light: Pambato ng Asia Brewery sa San Mig Light. Ano ba ang espesyal sa beer na to? Ang special Temperature Check label sa likod ng bote. Kapag naging blue na ang parang bukid sa likod, ibig sabihin ready to be served na ito. Pag hndi, eh di lagyan mong yelo. Kung gusto mo ng mas LIGHT kesa San Mig Light, ito ang beer para sa yo.

Videoke: Ultimate Inuman Session

2007-08-29T18:47:00.000-07:00

Isa sa mga pinaka-ayus gawin kapag nag iinuman ay ang pag-videoke. Kung may budget kayo, okay pumunta sa Videoke na updated yung kanta, malakas ang aircon, at masarap ang pagkain. Ang mga okay na puntahan kapag may Videoke ay ang mga ito:

Red Box: Greenbelt 3, Makati
Elbow Room: Metrowalk, Ortigas (May billiards pa para sa mga ayaw kumanta)
I/O: Jupiter St, Makati or Libis, QC
Music Room: Promenade, Greenhills

Kung medyo limited ang budget nyo, maraming sulit na videoke pero hindi ganun ka-updated ang mga kanta nila at hindi ganun kaganda ang venue. Ito ang mga pwede nyo puntahan:

Music 21: Timog, QC
Platinum KTV: Makati Ave, Makati (Medyo nakatago ito at liblib.. may mga GRO din)
Mucho KTV: Meralco Ave, Ortigas (Sa tabi ng Metrowalk)

Masarap kumanta kapag may tama, di ba? :)

Eto nga ang mga kasamahan kong nalasing sa Videoke:

Matador Mix

2007-08-27T23:32:00.000-07:00

Isa pang masarap na mix:
Gran Matador + Mountain Dew

Isang bote ng Gran matador at kalahating litro ng Mountain Dew ipaghalo sa isang pitsel.
Ang resulta? Parang Welch's sparkling wine. Yung nabebenta sa grocery store na halos 500PHP. Yung Matador-Dew eh mas mura, mas malakas ang tama, kasing sarap pero di sing mahal.

Try it!

Earthquake: Iced Tea with a Quake

2007-08-22T18:33:00.000-07:00

Natutunan ko tong inumin na to sa mga kebigan kong sina Yubear at Dehk. Ang tawag sa inumin na ito ay Earthquake: lasang iced tea at hindi mo mararamdaman ang tama, unless na tumayo ka. Example - si Dyelo daw dati sarap na sarap dito, nakarami ng inom at tila hindi nararamdaman ang tama. Pero pagtayo nya, parang may earthquake, nahilo sya agad.

Ang mga sangkap sa inuming ito:

1/2 Long Neck na Emperador (or 1 lapad kung medyo matapang gusto nyo)
1 stallion-size na Red Horse
1/2 Litro ng Sprite

Mix sa isang malaking pitsel.

Masarap na inumin para sa mga nagtitipid at sa mga maaarteng ayaw ng lasa ng alkohol (sus mga hipokrito eh di wag na lang kayo uminom!!!).

Beer - X

2007-08-20T23:51:00.000-07:00

Natutunan ko tong timpla na to sa mga kabarkada ko noong College, noong nagtitipid kami sa inumin. Yung tipong beer lang pero may sipa. Andun pa rin ang sarap ng beer. Pero may tamis ng lemon. Eto lang ang kelangan mo:

- Beer
- Extra Joss

Tantyahin mo na lang ang pag-mix ng inumin. Usually isang pack sa isang litro ang ginagawa namin, pero kung gusto mo na hindi masyadong matapang, ayus din.

Ang pangit lang dito, eh yung may tama ka na, gusto mo na magpahinga at matulog, pero hyper ka pa din dahil sa energy ng Extra Joss. Malamang ang mangyayari eh magkukulitan kayo buong gabi. Tandaan, marami kang lakas buong gabi. Ikaw na bahala kung ano gusto mong gawin.

Paunang salita

2007-08-15T20:04:00.000-07:00

Bago ang lahat, gusto ko yayain ang lahat na... Tara na, inuman tayo!!

Para sa mga taong gustong uminom, mahilig uminom, mahilig maglasing, palaging lasing, at kung sino pa basta ang usapan ang alak, iniaalay ko ang blog na to para sa yo!

Hehehe. Dito ilalagay ko ang mga recipe at mixes ng alak na natutunan ko sa mga nakasalamuha ko sa pag-inom, syempre Pinoy-style.

Enjoy mga pre! Inom tayo!